Тошкент шаҳар ИИББ ЙҲХБ Ахборот хизматининг хабарига кўра, мазкур йўл-транспорт ҳодисаси жорий йилнинг 14 август куни соат 23:40 атрофида Чилонзор тумани Муқимий кўчасида содир бўлган.
Аниқланишича,ушбу ЙТҲ 2002 йилда туғилган О.Т. бошқарувидаги Cobalt, 1990 йилда туғилган Ш.Й. бошқарувидаги Monza, 1999 йилда туғилган М.Н. бошқарувидаги Spark ва 2005 йилда туғилган У.М. бошқарувидаги Мототранспорт (скутер) иштирокида юз берган.
Таъкидланишича, ЙТҲ натижасида тан жароҳати олганлар йўқ.
Ҳолат юзасидан Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.
