Жорий йилнинг 9 август куни соат 21:40 атрофида Наманган вилояти Поп туманида яшовчи фуқаро М.А.(эркак) қариндоши Р.М.нинг (аёл) яшаш хонадонига бориб, ушбу хонадонда аввалдан мавжуд бўлган мулкий низо сабабли Р.М. билан жанжаллашган.
Жанжал натижасида М.А., Р.М. ва унинг 2 нафар вояга етмаган фарзандини пичоқ билан қасддан уриб ўлдириб, воқеа жойидан яширинган.
Бу ҳақда UzNews.uz'га Бош прокуратура матбуот хизмати раҳбари Ҳаёт Шамсутдинов хабар берди.
Мазкур ҳолат юзасидан ЖКнинг 97-моддаси билан жиноят иши қўзғатилди. Тергов ҳаракатлари олиб борилмоқда.
