Жорий йилнинг 7 август куни Тошкент шаҳрининг иккита туманида 12 та автомашина иштирокида йўл-транспорт ҳодисалари содир бўлди. Бу ҳақда Тошкент шаҳар ИИББ ЙҲХБ Матбуот хизмати хабар берди.
Унга кўра, Шайхонтоҳур тумани Беруний кўчасида соат тахминан 16:54 атрофида 7 та автомашина, 2 та Matiz, 1 та Nexia-3, 1та Tracker, 1 та Onix, 1 та Chery, 1 та Isuzu транспорт воситалари иштирокида йўл-транспорт ҳодисаси содир бўлган.
Хабарда айтилишича, Chery автомашинаси ҳайдовчиси ҳаракат вақтида бир йўналишда тўхтаб турган автомашиналар билан тўқнашиб ЙТҲ содир этган.
ЙТҲ натижасида тан жароҳат олганлар йўқ.
Иккинчи ЙТҲ Чилонзор тумани Бунёдкор шоҳ кўчасида соат 16:30 атрофида 5 та автомашина иштирокида содир бўлган. Унда Маtiz, Spark, Cobalt, KIA ва BYD русумли автомашиналар иштирокида йўл-транспорт ҳодисаси содир бўлган.
Ушбу ЙТҲ натижасида ҳам тан жароҳат олганлар йўқ.
Содир бўлган ҳар иккала ЙТҲ бўйича Тошкент шаҳар ИИББ ЙҲХБ масъул ходимлари томонидан суриштирув ҳаракатлари олиб борилмоқда.