Аввалроқ, ижтимоий тармоқларда икки эркак 3-4 киши томонидан калтакланаётгани акс этган видео тарқалди. Ҳолат юзасидан Жиззах вилояти ИИБ Ахборот хизмати маълумот берди.
Қайд этилишича, ҳодиса Тошкент – Термиз М-39 йўлининг Жиззах вилоятидан ўтган қисмида содир бўлган. Шароф Рашидов туманининг “Файзобод” маҳалласи ҳудудида Қашқадарё вилояти Китоб тумани “Севаз” маҳалласида яшовчи Ф.З. ҳамда М.С.га 4 нафар фуқаро томонидан тан жароҳатлари етказилган.
Суриштирув жараёнида ушбу шахслар “Файзобод” маҳалласида истиқомат қилувчи Ф.Ю., Б.Ю., А.Ю., Ў.Ю. эканлиги аниқланди. Ҳолат юзасидан терговга қадар текширув ўтказилмоқда.
