Аввалроқ, ижтимоий тармоқда Самарқанддаги шифохона ҳудудида ёнғин содир бўлгани акс этган видео тарқалди. Вилоят ФВБ ҳолат юзасидан маълумот берди.
Қайд этилишича, бугун, 5 август куни соат 14:00 да Пайариқ тумани "Гўзал" МФЙда жойлашган туман тиббиёт бирлашмасига қарашли тез тиббий ёрдам биносининг ёнида ISUZU русумли юк автомобилида ёнғин содир бўлганлиги тўғрисида туман ФВБга хабар берилган.
Хабарга кўра, воқеа жойига 3 та Ёнғин-қутқарув экипажи соат 14:05 да етиб бориб, ёнғин соат 14:30 да ўчирилган.
Ҳодиса оқибатида тан жароҳати олган ва ҳалок бўлганлар йўқ.
Ҳозирда терговга қадар текшириш ишлари олиб борилиб, ёнғиннинг келиб чиқиш сабаби ва зарари аниқланмоқда.
