Андижон вилояти ИИБ ЖХХ ЙҲХБ Ахборот хизмати хабарига кўра, ҳодиса 2024 йил 1 август куни Балиқчи тумани ҳудудидан ўтган 4Р-112 автомобиль йўлида содир бўлган.
Қайд этилишича, 1963 йилда туғилган Т.А. ўзининг Nexia-2 русумли транспорт воситасини Балиқчи туман маркази томонидан бошқариб келиб, асосий йўлдан келаётган “Зил-130” юк автомашинасини ўтказиб юбормасдан, чап тарафга бурилиш учун кескин чиқиб юборган. Оқибатда, “Зил-130” автомашина ҳайдовчиси тормоз босишга улгурмасдан Nexia-2 автомашинаси билан тўқнашган.
Ушбу ЙТҲ оқибатида, Nexia-2 ҳайдовчиси туман шифохонасида кўрсатилган тиббий муолажаларга қарамасдан, олган тан жароҳати туфайли вафот этган.
Мазкур ҳолат юзасидан, Балиқчи тумани ИИБ Тергов бўлими ходимлари томонидан терговга қадар дастлабки суриштирув ишлари олиб борилмоқда.