Бугун, 24 июль куни Париж-2024 ёзги Олимпия ўйинлари доирасида Тимур Кападзе бошчилигидаги Ўзбекистон ОТЖ мусобақадаги ўзининг дебют учрашувини ўтказди. Қизиқарли кечган учрашувда Ўзбекистон олимпия терма жамоаси Испания ОТЖга 1:2 ҳисобида мағлуб бўлди.
Учрашувнинг 28-дақиқасида Марк Пубиль ҳисобни очган бўлса 45+3-дақиқада Элдор Шомуродов пенальтидан рақиб дарвозасини ишғол қилди ва ўртадаги ҳисобни тенглаштирди. Ўйиннинг 6-дақиқасида испаниялик футболчи Серхио Гомес Ўзбекистон ОТЖ дарвозасини ишғол қилиб ҳисобни 1:2 кўринишига келтирди.
Эслатиб ўтамиз, Ўзбекистон ОТЖ "С" гуруҳидаги иккинчи ўйинни 27 июль куни Миср ОТЖга қарши ўтказади. Ушбу учрашув Тошкент вақти билан соат 20:00 да бошланади.