Сурхондарёда Damas автомашинаси Nexia-3 билан тўқнашиб, жарликка тушиб кетгани акс этган видео ижтимоий тармоқларга сиздирилди. Ушбу ҳолат юзасидан Сурхондарё вилояти ИИБ ЙҲХБ Матбуот хизмати изоҳ берди.
Жорий йилнинг 23 июль куни соат 11:00 атрофида Сурхондарё вилояти Сариосиё туманида 1987 йилда туғилган ҳайдовчи бошқарувидаги Damas автомашинаси билан "Хонжиза–Денов" йўналиши бўйлаб ҳаракатланиб келиб, бошқарувни йўқотиб қарама-қарши йўналишда ҳаракатланиб келаётган Nexia-3 автомашинасига урилиб пастликка тушиб ағдарилган.
Ушбу йўл-транспорт ҳодисаси натижасида Damas автомашинасининг йўловчиси, 2006 йилда туғилган вояга етмаган қиз тан жароҳати олиб туман шифохонасига ётқизилган.