Бугун президент раислигида ҳудудлар ва тармоқларда биринчи ярим йилликда иқтисодий ўсиш суръатлари ҳамда йил охиригача бўлган даврда амалга оширилган устувор вазифалар таҳлилига бағишланган видеоселектор йиғилиши бўлиб ўтмоқда.
Йиғилишда таъкидланганидек, жаҳондаги оғир шароитларга қарамай, Ўзбекистон барқарор иқтисодий ўсиш йўлида аниқ натижаларга эришмоқда. Бу саъй-ҳаракатлар Халқаро валюта жамғармаси, Жаҳон банки, ҳамкор давлатлар раҳбарлари, рейтинг ташкилотлари ва йирик инвесторлар томонидан эътироф этилган.
Бироқ бир қатор туман ва шаҳар ҳокимлари ўз фаолиятида тизимли камчиликларга йўл қўйган. Шу муносабат билан 28 нафар ҳокимлик раҳбарига нисбатан интизомий жазо чоралари қўлланилади.
Бундан ташқари, Қораўзак, Тахиатош, Учқудуқ, Тошкент, Фурқат, Гурлан, Мирзаобод, Янгиариқ, Мингбулоқ туманлари, Ғозғон шаҳри ҳокимлари ҳам эгаллаб турган лавозимларидан озод этилди.