Тошкент шаҳар ИИББ хабарига кўра, жорий йилнинг 11 июль куни соат 16:30 ларда Шайхонтоҳур тумани Алишер Навоий кўчасида Олмазор туманидаги уйда ёнғин бўйича чақириққа асосан хабардаги манзил томон ҳаракатланиб кетаётган ISUZU русумли ёнғин-қутқарув махсус транспорт воситаси ҳамда 2001 йилда туғилган С.Ф. бошқарувида бўлган Lacetti русумли автомашиналари иштирокида йўл-транспорт ҳодисаси содир бўлган.
ЙТҲ оқибатида Lacetti ҳайдовчисига тез тиббий ёрдам ходимлари томонидан биринчи ёрдам кўрсатилган.
Мазкур ҳолат юзасидан Тошкент шаҳар ИИББ ЙҲХБ ходимлари томонидан суриштирув ишлари олиб борилмоқда.