Маълум қилинишича, 1997 йилда туғилган судланувчи 1998 йилда туғилган шаръий никоҳидаги аёлнинг собиқ турмуш ўртоғи билан зиддиятли ҳолатларга барҳам бериш мақсадида Бектемир туманидаги савдо мажмуаси олдида учрашган. Кутилмаганда улар ўртасида келишмовчилик юзага келган.
Иш ҳужжатларида айтилишича, судланувчи марҳумга ўткир тиғли жисм билан 24 маротаба жароҳат етказган. Оқибатда йигит воқеа жойида вафот этган.
Мазкур ҳолат юзасидан суд иши ЖИБ Бектемир тумани судида кўриб чиқилди. Бу ҳақда «Миллар» дастури хабар қилди. Суд мажлисида судланувчи бўлиб ўтган воқеалар ҳақида маълумот беришни истамаган. Йигит қилган ишидан пушаймонлиги тўғрисида ёзилган хатни судьяга тақдим қилган. Хат судья томонидан ўқиб эшиттирилган.
Суд ҳукмига кўра, судланувчи ЖКнинг 97-моддаси 2-қисми «ж», «л» бандлари билан айбли деб топилиб, унга 17 йил муддатга озодликдан маҳрум қилиш жазоси тайинланди.
