Жорий йилнинг 6 июль куни Тошкент вилоятида аёл ҳайдовчи Equinox автомашинасида юқори тезликда ҳаракатлангани акс этган видео ижтимоий тармоқларга сиздирилди. Ушбу ҳолат юзасидан Тошкент вилояти ИИБ ЙҲХБ Матбуот хизмати маълумот берди.
Унга кўра, Тошкент вилояти ИИБ ЙҲХБ томонидан қоидабузар ҳайдовчи аниқланган ва ЙҲХБга олиб келиниб, тегишли чоралар кўрилган.
Маълум бўлишича, бир ой аввал қоидабузар фуқаро Malibu-2 автомашинасини ижарага олиб уйга қайтаётганда ушбу қоидабузарлик содир этилган.
"Мен у йўлда бунақа тезликда ҳайдаш мумкин эмаслигини билмас эдим. Мен бу видео билан ҳеч нима тарғиб қилмоқчи эмасман. Қилган ишимдан афсусланаман. Бундай ҳолат бошқа ҳеч қачон қайтарилмайди", - деди қоидабузар фуқаро.
