Бош прокуратура ҳузуридаги Департаментнинг Пайариқ туман бўлими томонидан терговга қадар текширув ўтказилган.
Текширув давомида фуқаро Х.К. фуқаролар Ш.З. ва Б.Р.нинг ишончига кириб, уларни АҚШга ишга юборишини ваъда қилиб, ҳар биридан 12 000 АҚШ долларидан жами 24 000 АҚШ долларини фирибгарлик йўли билан қўлга киритганлиги аниқланган. Бундан ташқари, ушбу пуллар ҳисобидан 4 000 АҚШ долларининг қайтарилиши процессуал тартибда расмийлаштирилган.
Ушбу ҳолат юзасидан ЖКнинг 168-моддаси (фирибгарлик) билан жиноят иши қўзғатилган. Ҳозирда тергов ҳаракатлари олиб борилмоқда.
