Грузиянинг Батуми шаҳрида 8-12 ёшли шахматчилар ўртасида жаҳон кубоги бўлиб ўтди. Илк бор ташкил этилган бу турнир ўзбек шахматчилари учун муваффақиятли кечди. Бу ҳақда Ёшлар ишлари агентлиги Матбуот хизмати хабар берди.
12 ёшлиларнинг “А” гуруҳида истеъдодли шахматчи Билолиддин Обидов энг яхши натижани қайд этиб, чемпионликни қўлга киритди. 10 ёшгача бўлган қизлар ўртасида Хуснорахон Хусниддинова бронза медалини қўлга киритган бўлса, Хикматхонова Мохинур шахмат масалаларини ечиш бўйича 3-ўринни эгаллади.
Ёш шахматчилар Ислом Каримов номидаги Тошкент халқаро аэропортида тантанали кутиб олинди.
