Самарқандда қиймати 50 минг АҚШ долларидан ортиқ бўлган Zeekr 001 электромобилини бошқарган "автомойка" ходими ЙТҲга учраб, жами 3 та автомобилга зарар етказди.
Вилоят ИИБ хабар беришича, ҳодиса жорий йил 20 июнь куни соат 17:00 атрофида содир бўлган. Йигит Zeekr 001 автомашинасини ҳайдаб, бошқарувини йўқотиб, KIA BONGO III ва Lacetti автомобилларига бориб урилган.
Тўқнашув натижасида вафот этганлар ва жароҳатланганлар йўқ.
Қайд этилишича, автоҳалокатдан кейин "автомойка" ходими қаттиқ стрессни бошдан кечирган. Бироқ, Zeekr 001 автомашинаси эгаси йигитдан етказилган зарарни қоплашни талаб қилишдан бош тортган.