Ўзбекистон президенти Шавкат Мирзиёев Россия президенти Владимир Путинга Дарбанд ва Махачқалъа шаҳарларида содир этилган ва ҳуқуқ-тартибот идоралари ходимлари ҳамда тинч аҳоли орасида кўплаб қурбонлар бўлишига олиб келган терактлар муносабати билан чуқур ҳамдардлик билдирган телеграмма йўллади.
Ўзбекистон раҳбари Доғистондаги терактни кескин қоралади ва ушбу таҳдидларга қарши курашда тегишли тузилмалар ўртасида фаол ҳамкорликни давом эттиришга тайёрлигини билдирди.
Кеча кечаси номаълум шахслар Дарбанддаги синагога ва черковга ҳужум қилган. Кейинчалик Махачқалъадаги йўл полицияси пости ўққа тутилгани ҳақида маълум бўлди.
Қайд этилишича, 15 дан ортиқ полициячи ва бир неча тинч аҳоли ҳалок бўлган. Олти нафар жангари йўқ қилинган.