Сирдарё Тошкент йўлида Nexia-1 автомашинаси юк машинасининг ортидан келиб урилгани акс этган видео ижтимоий тармоқларга сиздирилди. Ушбу ҳолат юзасидан Сирдарё вилояти ИИБ Матбуот хизмати маълумот берди.
Жорий йилнинг 19 июнь куни соат 05:30 атрофида Сардоба тумани ҳудудида Тошкент-Термиз йўналиши бўйлаб ҳаракатланиб кетаётган Nexia-1 автомашинаси ҳайдовчиси руль бошқаруви пайти ухлаб қолиши оқибатида бошқарувни йўқотиб, ўзи билан бир йўналишда йўл четида тўхтаб турган MAN юк машинасига урилиб, ЙТҲ содир этган.
Ушбу ЙТҲ натижасида Nexia-1 автомашинаси ҳайдовчиси ва йўловчиси тан жароҳати олиб тиббиёт бирлашмасига ётқизилган.
Ҳозирда Сардоба тумани ИИБ ходимлари томонидан тергов ҳаракатлари олиб борилмоқда.