Жорий йилнинг 14-17 июнь кунлари Туркиянинг Анталья шаҳри мезбонлик қилган камондан отиш бўйича Париж-2024 жаҳон лицензион турнирида Амирхон Содиқов яккалик дастурида барча рақибларини мағлубиятга учратиб, олтин медаль баробарида Олимпиада йўлланмасини ҳам қўлга киритди. Бу ҳақда Ўзбекистон МОҚ Матбуот хизмати хабар берди.
Эслатиб ўтамиз, бундан аввал қитъавий лицензион турнирда Зиёдахон Абдусатторова ўзбек камончилари орасида биринчи бўлиб 4 йилликнинг энг нуфузли мусобақасига йўлланма олганди.
Амирхон Содиқов саралашдаги юқори натижаси сабаб биринчи рақамли спортчи сифатида қуръадан жой олди ва турнирни рақамига мос равишда олтин медаль билан якунлади.