Жорий йилнинг 4 июнь куни соат 16:30 атрофида Нуробод тумани “Меҳнаткаш” маҳалласи ҳудудидан ўтувчи “Самарқанд-Ғўзор” А-378 автомобиль йўлининг 35-километрида йўл-транспорт ҳодисаси содир бўлди. 1999 йилда туғилган ҳайдовчи П.Ё. ўзининг бошқарувида бўлган Камаз русумли юк автомашинасида ҳаракатланиб бориши давомида, пиёдалар ўтиш йўлакчасидан ўтаётган Ж.Ф. ва унинг 2 нафар вояга етмаган фарзандларини уриб юборган.
Натижада 2 нафар вояга етмаганлар олган тан жароҳатлари билан воқеа жойида вафот этган.
Уларнинг онаси Самарқанд тумани марказий шифохонасига ётқизилган.
Мазкур ҳолат юзасидан Самарқанд вилояти ИИБ ҳузуридаги Тергов бошқармаси томонидан ЖКнинг 266-моддаси 3-қисми “а” банди билан жиноят иши қўзғатилган. Ҳайдовчи жиноят ишида гумон қилинувчи тариқасида ЖПКнинг 227-моддаси тартибида ушланган.
Ҳозирда тергов ҳаракатлари олиб борилмоқда.
