Ўзгидромет хабарига кўра, июнь ойининг биринчи иш ҳафтаси давомида Ўзбекистон бўйича қуруқ об-ҳаво бўлиши кутилмоқда. Фақат айрим тоғ олди ва тоғли ҳудудларда, шунингдек 4-5 июнь кунлари Фарғона водийси вилоятлари бўйича баъзи жойларда жадаллиги асосан бироз бўлган момақалдироқ бўлиши ва қисқа муддатли ёмғир ёғиши мумкин.
Ҳафтанинг биринчи ярмида ҳарорат +29...+32 даража, иккинчи ярмида эса +32...+35 даража бўлади. Фақат жанубда чўл ҳудудларда ҳарорат кундуз кунлари +36...+39 даражагача кўтарилади.
Шамол 7-12 м/с тезликда эсади, 3-5 июнда республика бўйича баъзи жойларда 13-18 м/с.гача кучайиши, айрим жойларда чанг-тўзонлар билан кузатилиши мумкин.
Пойтахтда ҳаво бироз булутли, вақти-вақти билан ўзгарувчан бўлади. Шамол шарқдан бироздан ўртача тезликгача эсади. Ҳарорат 3-5 июнда +30...+33 даража, 6-7 июнда +32...+35 даража бўлади. Ҳарорат асосан кечалари +18...+21 даражагача бўлади.
