2023 йилнинг февраль ойида наркотик модда эгасини алдаб, наркотикни ўзлаштириб олувчи "закладчик"лар 17 нафар шахслар томонидан калтаклангани ҳақида хабар берган эдик.
Бугун, 30 май куни Тошкент шаҳар жиноят ишлари бўйича Яккасарой туман судида ЖКнинг 28,273-моддаси 4-қисми "б" банди, 277-моддаси 2-қисми "а,б,в,д" бандлари, 137-моддаси 2-қисми "а,б,в" бандлари ва 130-1-моддаси 2-қисми "б" бандида назарда тутилган жиноятларни содир этганликда айбланаётган 14 нафар шахсга нисбатан суд ҳукми ўқилди.
Унга кўра судланувчи А.Б. 6 йилга, судланувчилар Н.И. ва М.А. 5 йил-у 6 ойга, судланувчи М.Ф. 5 йилга, судланувчилар Т.Ш., Ф.С., А.С. ва З.Х. 4 йил-у 6 ойга, судланувчилар Ж.Ш., М.Ж., М.С., Т.Н., К.А. ва Б.Ш.ларга нисбатан 3 йил-у 6 ойга озодликдан маҳрум қилиш жазоси тайинланди.