Россия президенти матбуот котиби Дмитрий Песковнинг маълум қилишича, Ўзбекистонга давлат ташрифи билан келган Владимир Путин Ўзбекистон президенти Шавкат Мирзиёевнинг яшайдиган уйига ташриф буюрган.
“Ўзбекистон президенти Шавкат Мирзиёев Владимир Путинни ўзи яшаётган уйига таклиф қилди. Бу ишончли муносабатлар, ҳақиқий шахсий дўстлик. Бугун ҳам аэропортга жўнаб кетиш олдидан улар биргаликда ярим шахсий, ярим иш нонушта қилдилар, барча суҳбатларни давом эттирдилар”, - деди Дмитрий Песков.
Эслатиб ўтамиз, Россия президенти Владимир Путин 26 май куни давлат ташрифи билан Ўзбекистонга келган эди. Ташриф аслида 27 майгача режалаштирилганди.
