Париж-2024 ўйинларининг халқаро ҳамкори бўлган Procter & Gamble компанияси Ўзбекистондаги Олимпия ҳаракатини қўллаб-қувватлайди, компания Ўзбекистон МОҚ билан ҳамкорлик тўғрисида шартномалар имзолади.
Шунингдек, Париж-2024 ўйинларида Ўзбекистонни ҳимоя қиладиган айрим спортчилар P&G маркетинг тадбирларида иштирок этади.
«P&G да биз нафақат сифатли маҳсулотларни ишлаб чиқишга эътибор қаратамиз, балки самарали жамоат лойиҳаларимиз орқали одамлар ҳаётини яхшилаймиз, ўсиш ва яхшилик учун ҳаракатлантирувчи куч бўлишга интиламиз. Жамият ташаббусларида биз биринчи ўринга қўядиган асосий йўналишлардан бири бу спортдир, чунки P&G сифатида биз доимо спортнинг шифобахш ва бирлаштирувчи кучига ишонамиз.
Олимпия ўйинлари бутун дунё томоша қиладиган энг йирик спорт тадбиридир. Глобал шерик сифатида биз биринчи марта 2010 йилда Ванкуверда бўлиб ўтган қишки Олимпия ўйинларида Олимпия ҳалқалари ёнида P&G логотипини тақдим этдик ва ҳозирда 12 та энг йирик глобал шериклардан бири ҳисобланамиз.
Биз бугун Ўзбекистонда ушбу ҳамкорликни кенгайтиришдан фахрланамиз, чунки спортнинг ҳам жисмоний, ҳам ақлий ривожланиши жамият тараққиёти ва соғлом авлодни шакллантириш учун аҳамиятини тушунамиз. Шунинг учун биз ишлаётган ҳудудларда спортчиларни ривожлантириш ва спорт маданиятини тарғиб қилиш учун барча имкониятларни ишга солишга интиламиз. Халқаро Олимпия қўмитасининг глобал ҳамкори сифатида ва Ўзбекистон Олимпия ҳаракатини қўллаб-қувватлаб, мамлакатнинг спортдаги обрўсини оширишга ўз ҳиссамизни қўшмоқчимиз.
Ишончимиз комилки, терма жамоа Париж-2024 ўйинларидаги юқори натижалари билан барчамизни хурсанд қилади», – деди Туркия, Кавказ ва Марказий Осиёдаги P&G бошқарув кенгаши раиси Танкут Турнаоглу.
Ўз навбатида, МОҚ Бош котиби Ойбек Қосимов бундай ҳамкорлик мамлакатимизда спортни ривожлантириш учун катта муваффақият эканини таъкидлади: «Бугун Ўзбекистон Олимпия ўйинлари ва халқаро мусобақаларда эришган ютуқлари туфайли жаҳон спорт марказларидан бирига айланди. Биз P&G каби глобал компаниянинг ҳомийси мақоми билан боғлиқ барча имкониятлар ва мажбуриятларни юқори баҳолаймиз. Сизнинг компаниянгиз Ўзбекистондаги Олимпия ҳаракати ғояларини қўллаб-қувватловчи қудратли кучга айланишига ишонамиз. Бизнинг умумий устувор вазифамиз – бу маҳаллий спортчиларнинг янги ютуқларига туртки бўладиган спорт орқали дунёни яхшироқ жойга айлантиришдир. Ҳамкорларимизнинг ўрни бизнинг доимий ривожланишимиз ва муваффақиятимиз учун ҳам муҳим. P&G ни мағрур шерикларимиз рўйхатига қўшиш муҳим янгиликдир».
Компания ҳақида
Procter & Gamble бутун дунё бўйлаб 5 миллиардга яқин истеъмолчиларга хизмат кўрсатиб, ишончли, сифатли ва етакчи брендларнинг энг кучли портфелларидан бирини таклиф қилади: Pampers®, Tide®, Ariel®, Head&Shoulders®, Always®, Pantene®, Fairy®, Oral-B®, Gillette®, Safeguard®, Venus®, Old Spice®, Lenor®.
P&G ҳамжамияти дунёнинг 70 га яқин мамлакатларида ишлайди. Қўшимча маълумот олиш учун pg.com сайтига ташриф буюринг.
Реклама ҳуқуқи асосида