Ҳуқуқни муҳофаза қилувчи орган ходимлари томонидан ўтказилган тадбирда Сирдарё вилоятининг Ховос тумани ҳокими ўринбосари ДХХ ва прокуратура ходимлари томонидан қўлга олинди. Бу ҳақда ДХХ Матбуот хизмати хабар берди.
У ўз хизмат мавқеидан фойдаланиб, қишлоқ хўжалиги маҳсулотлари етиштириш ва экспорт қилиш билан шуғулланувчи МЧЖга тегишли ерларни ҳокимлик захирасига олмаслик, аксинча, суғориш ишларига шароит яратиб бериш ва фаолиятига ҳеч ким аралашмаслиги эвазига 20 минг АҚШ доллари талаб қилиб, шундан 1000 АҚШ доллари олган вақтида ушланди.
Ҳозирда ҳолат юзасидан жиноят иши қўзғатилиб, мазкур шахсга нисбатан қамоқ эҳтиёт чораси қўлланилган.