Ўзгидромет хабарига кўра, жорий ҳафтанинг биринчи ярмида Ўзбекистоннинг кўп қисмида қуруқ ва иссиқ ҳаво бўлиши кутилмоқда. Ҳаво ҳарорати кундан-кунга кўтарилиб, ҳафта ўрталарида +33...+36 даражага етади, жанубий ва чўл зонасида баъзи жойларда +38 даражагача бўлиши кутилмоқда.
Эртадан бошлаб фақат республиканинг шимоли-ғарбий ҳудудлари Каспий денгизидан келаётган нам ҳаво таъсирида бўлади. 14-15 май кунлари Қорақалпоғистон, Хоразм вилоятида ҳамда Навоий вилояти шимолининг айрим жойларида қисқа муддатли момақалдироқ бўлиши мумкин.
Ҳафтанинг иккинчи ярмида нам ҳаво массаси шарққа тарқалиб, республиканинг айрим ҳудудларида қисқа муддатли ёмғир ёғиб, момақалдироқ бўлиши мумкин. Ҳаво ҳарорати +25...+30 даражагача тушади. Республика бўйлаб баъзи жойларда шамол тезлиги 15-20 м/с гача кучайиши мумкин, баъзи ҳудудларда чанг-тўзонли қор ёғиши мумкин.
Пойтахтда 13-15 май кунлари ёғингарчилик бўлмайди. 13 май куни ҳаво ҳарорати +29...+31 даражагача, 14-15 майда +33...+36 даражагача ва 16-17 май кунлари +25...+30 даражагача бўлади. Шунингдек, баъзида қисқа муддатли ёмғир ёғиб, момақалдироқ бўлиши мумкин.