Аввалроқ, ижтимоий тармоқларда автобус йўл четида турган панжарани бузиб ташлаб, йўл-транспорт ҳодисаси содир этганлиги ҳақида хабарлар тарқалди.
Мазкур ҳолат юзасидан Тошшаҳартрансхизмат АЖ Матбуот хизмати расмий изоҳ берди.
Маълум қилинишича, ушбу ЙТҲ жорий йилнинг 30 апрель куни Яккасарой тумани "Кичик ҳалқа" йўлида содир бўлган.
Унга кўра, 69-йўналишли автобус бошқарувида бўлган ҳайдовчи С.Р. бошқарувни йўқотиб, йўл четидаги бетон тўсиққа урилган.
Ҳозирда ҳолат юзасидан Тошкент шаҳар ИИБ ЙҲХ ходимлари томонидан суриштирув ишлари олиб борилмоқда.
"Содир бўлган ЙТҲ юзасидан корхонадаги барча ҳайдовчилар билан йўналишга чиқиш олди тушунтириш ишлари олиб борилди",- дейилади хабарда.
