Тошкент шаҳри Яккасарой тумани ҳокимлиги юрисконсульти Нодир Акбаров мактаб бассейнида вафот этди. Бу ҳақда UzNews.uz'га Бош прокуратура Матбуот хизмати хабар қилди.
Қайд этилишича, 18 апрель куни соат 15:30 лар атрофида 1970 йилда туғилган Яккасарой тумани ҳокимияти ҳукуқшуноси туманда жойлашган мактабдаги бассейнда чўмилишга борган ва ўша ерда аҳволи ёмонлашиб, вафот этган.
Марҳумнинг ўлим сабабини аниқлаш мақсадида судга оид тиббиёт экспертизаси тайинланган. Прокуратура томонидан терговга қадар текширув ҳаракатлари олиб борилмоқда.
22 апрель куни Яккасарой тумани ҳокими Нилуфар Аллабергенованинг қарори билан Нодир Акбаров билан меҳнат шартномаси бекор қилинган.
