Бугун, 19 апрель куни Тожикистон президенти Эмомали Раҳмон ва Ўзбекистон президенти Шавкат Мирзиёев Ўзбекистоннинг Душанбедаги янги очилган элчихонасининг очилиш маросимида иштирок этишди.
Тадбир Ўзбекистон президенти Шавкат Мирзиёевнинг давлат ташрифи доирасида бўлиб ўтди, дея хабар бермоқда Тожикистон президенти Матбуот хизмати.
Дастлаб, давлат раҳбарлари, Эмомали Раҳмон ва Шавкат Мирзиёев рамзий тасмани кесиб, Душанбе шаҳридаги Ўзбекистон элчихонасининг янги биносини расман фойдаланишга топширишди.
Элчихона биносининг очилиши ва давлат раҳбарларининг ташрифи шарафига Тожикистон ва Ўзбекистон давлат мадҳиялари янгради.
Тожикистон президенти Эмомали Раҳмон ва Ўзбекистон президенти Шавкат Мирзиёев элчихона мажмуасига ташриф буюриб, дўстлик, биродарлик ва икки давлат ўртасидаги бирдамлик муносабатларини янада чуқурлаштириш бўйича эзгу тилак ва ниятларини билдирган олий мартабали меҳмонлар китобига имзо чекишди.
Эслатиб ўтамиз, Тожикистон ва Ўзбекистон ўртасида дипломатик муносабатлар 1992 йил 22 октабрда ўрнатилган.
Душанбе шаҳрида Ўзбекистон элчихонаси, Тошкент шаҳрида Тожикистон элчихонаси фаолият кўрсатмоқда.
