Воқеа жорий йил 13 апрель куни Бўстонлиқ тумани тиббиёт бирлашмасида содир бўлган. 29 ёшли аёл туғруқ бўлимига ёмон аҳволда келган. Аёлнинг тиббий дафтарида антибиотикларга аллергия борлиги ҳақида ёзув борлигига қарамай, укол қилинган. Натижада аёл бетоб бўлиб, интенсив терапия бўлимига ётқизилган ва аёл у ерда комага тушиб қолган.
Биринчи ҳомиладорлиги ҳақида хабар берилган аёл 28 ҳафталик ҳомиладор бўлган.
Кўрсатилган тиббий ёрдамга қарамай, аёл ва унинг туғилмаган боласини сақлаб қолишнинг иложи бўлмаган. Оқибатда аёл ва унинг туғилмаган боласи ҳам вафот этган.
Тошкент вилояти Бўстонлиқ тумани тиббиёт бирлашмаси раҳбари ўринбосарининг маълум қилишича, навбатчи ҳамширага нисбатан тегишли чора кўрилмоқда ва ҳамшира ишдан четлатилган.
Мазкур ҳолат юзасидан терговга қадар текширув ишлари олиб борилмоқда. Суд-тиббий экспертизаси тайинланган.
Қайд этилишича, ушбу ҳодиса юзасидан тергов ҳаракатлари Тошкент вилояти прокуратураси томонидан назоратга олинган.