Тошкент шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари этиб Дурдона Раҳимова тайинланди. Бу ҳақда пойтахт ҳокимлиги Матбуот хизмати хабар қилди.
Тайинловга қадар, Дурдона Раҳимова Ёшлар сиёсати ва спорт вазирининг ўринбосари вазифасида ишлаб келаётган эди.
Эслатиб ўтамиз, у аввалроқ 2020 йилда Тошкент шаҳар ҳокимининг ёшлар сиёсати, ижтимоий ривожлантириш ва маънавий-маърифий ишлар бўйича ўринбосари этиб тайинланган эди.
Маълумот ўрнида, Дурдона Раҳимова меҳнат фаолиятини 2012 йилда «Камолот» ёшлар ижтимоий ҳаракати Жиззах вилояти Кенгаши иқтидорли ёшлар ва ёш олимлар билан ишлаш бўлими мудири сифатида бошлаган ҳамда ўтган йиллар давомида қатор масъул вазифаларда муваффақиятли фаолият юритиб келган.