Бугун, 27 март куни соат 06:50 да Учтепа тумани Кичик Ҳалқа айланма йўли кўчасида жойлашган 2 қаватли бинолардан бирида ёнғин содир бўлган. Бу ҳақда Тошкент шаҳар ФВБга хабар тушган.
Шунга кўра, 4 та ёнғин-қутқарув экипажлари воқеа жойига соат 06:57 да етиб борган. Ёнғин соат 07:20 да ўраб олиниб, соат 07:23 да буткул ўчирилган.
Содир бўлган ёнғин натижасида 2 қаватли бинолардан бирининг тахминан 100 кв.м. майдонда том қисми ёниб зарарланган.
Маълум қилинишича, ҳодиса натижасида ҳалок бўлган ва жабрланганлар йўқ.
"Ҳозирда ёнғин сабаби ва моддий зарар миқдори аниқланмоқда",- дейилади хабарда.