Россиянинг Москва вилоятида жойлашган Crocus City Hall концерт залида содир этилган теракт вақтида Ўзбекистон фуқароси 100 дан ортиқ инсонни қутқариб қолди, дея хабар бермоқда SHOT Telegram канали.
Официант бўлиб ишлайдиган ўзбекистонлик Комил Несибов жабрланганларни тез ёрдам машиналарига судраб олиб борган. 80 га яқин одамни чиқиш жойига олиб чиққан ва тасодифан чироғи ёқиқ ҳолатдаги телефонни топиб олган ва жабрланувчи унга қўнғироқ қилган. Шундан сўнг қиз олов ичидан тириклайин олиб чиқилган.
Комил Несибовнинг SHOT Telegram каналига айтишича, фожиа юз берган куни дўсти билан бирга Crocus City Hall концерт залида ярим кунлик официант бўлиб ишлаган. Унинг иш вақти 19:55 атрофида тугади ва ташқарига чиққан. Қаттиқ портлаш овозини эшитганидан сўнг, у бинога қайтган. Комил Несибов ўқдан яраланган бир неча кишини судраб олиб чиққан.
Бинода Комил эшикларни бузиб, одамларга қаерга қочиш кераклигини кўрсатиб берган. 80 га яқин одамни кўрган ва уларни ташқарига чиқишига ёрдам берган.