Поиск
RUUZ

Происшествия

Ҳиндистондаги меҳмонхонадан ўзбекистонлик аёлнинг жасади топилди

Ушбу ҳолат юзасидан Ўзбекистон ТИВ муносабат билдирди.

1355views0replies
0

indiatoday.in

Ҳиндистоннинг Карнатака штати Бенгалуру шаҳридаги меҳмонхоналардан бирида ўзбекистонлик аёлнинг жасади топилган, деб хабар бермоқда Ўзбекистон ТИВ матбуот хизмати.
Ўзбекистоннинг Деҳлидаги элчихонаси Бенгалуру шаҳри полиция идораси вакиллари билан тезкор тарзда алоқа ўрнатди ва мазкур ҳолат бўйича ойдинлик киритиш бўйича ҳаракатларни амалга оширмоқда.
Дастлабки маълумотларга кўра, жорий йил 13 март куни мазкур шаҳарнинг "Жагадиш Ҳотел" меҳмонхонасида Ўзбекистон фуқароси, 1997 йил Қашқадарё вилоятида туғилган З.Ж. исмли аёл ўз хонасида ўлик ҳолатида топилган.
"Ҳозир мутасадди ташкилотлар томонидан мазкур ҳодисанинг сабаблари аниқланмоқда. Дипломатик миссиясининг консуллик бўлими ушбу жараённи ўз назоратига олган. Элчихона томонидан зарур консуллик-ҳуқуқий ёрдам кўрсатилишини ташкил этиш мақсадида марҳуманинг оила аъзолари билан алоқа ўрнатиш чоралари кўрилмоқда", - дейилади хабарда.
Ўзбекистоннинг Деҳлидаги элчихонаси ушбу воқеа юзасидан маълумотларга эга бўлганлардан дипмиссия консуллик бўлимига қуйидаги алоқа воситалари орқали мурожаат қилишини сўради.
Телефон: +91 11 2467 0774/75
El. pochta: [email protected] va [email protected]
Telegram-bot: @consuluzbindia_bot
1355views0replies
0

Комментарии