Ижтимоий тармоқларда Сергели туманиида эркак кишининг бошқа фуқаролар томонидан калтакланаётганлиги, атрофдаги фуқаролар эса уларни тинчлантиришга ҳаракат қилаётганлиги акс этган видео тарқалди.
Тошкент шаҳар ИИББ маълум қилишича, воқеа 17 январдан 18 январга ўтар кечаси тахминан соат 23.55 ларда бўлган ва соат 00.15 да 102 рақамига қўнғироқ қилинган.
Тан жароҳати олган фуқаро 40 ёшли Зулфиқор Х. эканлиги аниқланди. Унга тан жароҳати етказган фуқаро ва жанжалдаги қолган иштирокчиларнинг шахси аниқланмоқда.
Ҳолат бўйича Сергели тумани ИИО ФМБ ходимлари томонидан терговга қадар текширув ҳаракатлари ўтказилмоқда.
