Тошкент вилоятининг Бекобод, Бўка, Бўстонлиқ, Оққўрғон, Паркент, Чиноз ва Янгийўл туманларида 7 нафар фуқаро ноқонуний даромад орттириш мақсадида яшаш хонадонларида АИ-80 маркали бензин ёқилғисини чакана сотиш билан шуғулланиб келаётганликлари аниқланган. Улардан жами 721 литр бензин ёқилғиси ашёвий далил сифатида олинган.
Шунингдек, Қашқадарёнинг Қарши шаҳар, Косон, Касби, Чироқчи ва Кўкдала туманларида 6 нафар фуқаро ёнғин хавфсизлиги қоидаларини бузган ҳолда қиммат нархларда АИ-80 маркали бензин ёқилғисини чакана сотиш билан шуғулланиб келаётганликлари аниқланиб, улардан жами 624 литр бензин ёқилғиси ашёвий далил сифатида олинган.
Навоийнинг Зарафшон шаҳри, Томди ва Учқудуқ туманларида фуқаро ноқонуний сотилаётган 2 774 литр бензинни сотаётгани аниқланган.
Мазкур ҳолатлар юзасидан МЖтКнинг тегишли моддалари билан қонуний чоралар кўрилмоқда.