Бухоро давлат тиббиёт институтининг хорижлик талабаси вафот этганлиги айтилган хабар ижтимоий тармоқларга сиздирилди. Ушбу хабар юзасидан Бош прокуратура матбуот хизмати раҳбари Ҳаёт Шамсутдинов UzNews.uz'га маълумот берди.
Аниқланишича, жорий йил 28 февраль куни соат 9:00 да 2003 йилда туғилган, институтнинг иккинчи курс талабаси ҳиндистонлик Навас Насмел талабалар турар жойидаги ўз хонасида соғлиғи ёмонлашган ва тез тиббий ёрдам чақиртирилган. Шундан сўнг у Бухоро вилояти Юқумли касалликлар шифохонасига олиб борилган. Кўрсатилган зарур тиббий ёрдам ва муолажаларга қарамасдан Ҳиндистон фуқароси, Навас Насмел вафот этди.
"РСТEИАМ Бухоро филиали томонидан тақдим этилган дастлабки ташхисга кўра, марҳум икки томонлама ўпкаларнинг тотал пневмонияси натижасида юзага келган ўткир нафас етишмовчилигидан вафот этган", - дейилади хабарда.
Ҳозирда ҳолат юзасидан шаҳар прокуратураси томонидан терговга қадар текширув ҳаракатлари олиб борилмоқда.