My.gov.uz да 083/ҳ шаклдаги тиббий маълумотномани онлайн олиш қулайлиги яратилди. Бу ҳақда Давлат хизматлари маркази хабар бермоқда.
Эндиликда тиббиёт муассасалари томонидан фуқароларнинг транспорт воситасини бошқаришга яроқлилиги тўғрисида бериладиган 083/ҳ шаклдаги тиббий маълумотномани олиш учун ушбу муассасаларга қайта бориш шарт эмас.
Шунчаки, my.gov.uz орқали "Соғлиқни сақлаш" бўлимидан керакли хизматни танлаб, 083/ҳ шаклдаги тиббий маълумотномани онлайн юклаб олиш кифоя. Маълумотнома унда кўрсатиб ўтилган муддатгача амал қилади.
Хизматдан фойдаланиш бепул ва ҳеч қандай ҳужжат талаб этилмайди.