Жон Гиринг Aвстралиянинг Ўзбекистондаги элчиси этиб тайинланди. Бу ҳақда Ўзбекистон ташқи ишлар вазири ўзининг Telegram-канали орқали хабар берди.
“Жон Гиринг жаноблари билан учрашиб, унинг ишонч ёрлиқлари нусхаларини қабул қилдик.
Учрашувимиз кун тартиби ўзаро савдони кенгайтириш, ҳамкорликнинг янги имкониятларини излаш ҳамда айрим минтақавий ва халқаро масалаларни қамраб олди”, - дейилади хабарда.
Шунингдек, Карлос Валдес де ла Консепсён Кубанинг Ўзбекистондаги элчиси этиб тайинланди.
Қайд этилишича, Ўзбекистон ТИВ раҳбари Баҳтиёр Саидов элчидан ишонч ёрлиқлари нусхаларини қабул қилиб олган.