Қиличбозликнинг сабля йўналиши бўйича Ўзбекистон терма жамоаси аъзоси Зайнаб Дайибекова Перуда ўтказилаётган Жаҳон кубогида бронза медалини қўлга киритди, дея хабар бермоқда Миллий Олимпия Қўмитаси Матбуот хизмати.
Саралашдан муваффақиятли ўтган ўзбекистонлик спортчи плей-оффда ҳам ишончли ҳаракат қилди. Дайибекова мусобақа давомида Болгария, Италия, Ҳиндистон, Япония вакилларини мағлубиятга учратишга эришди. Шундан кейин у ярим финалда икки карра жаҳон чемпиони венгриялик Шугар Баттаига имкониятни бой берди ва мусобақани бронза медали билан якунлади.
Маълумот ўрнида, бу катталар ўртасидаги Жаҳон Кубоги баҳсларида ўзбекистонлик қиличбозларнинг қўлга киритган илк медали бўлди.
