Аввалроқ, ижтимоий тармоқда Тошкент икки йўловчи автобус йўловчи талашиб, ўзаро тўқнашгани ҳақида хабарлар тарқалди. Ҳолат юзасидан “Тошшаҳартрансхизмат” АЖ маълумот берди.
Қайд этилишича, ҳодиса бугун соат 11:00 ларда Яшнобод тумани Маҳтумқули кўчаси "Успенский номидаги мусиқа мактаби" бекатида содир бўлган. “Yutong” русумли 28-сонли йўналишдаги автобус ҳайдовчиси бекатда тўхтаб, йўловчи тушираётган “Yutong” русумли 44-сонли йўналишдаги автобус билан ёнлама тўқнашган.
Оқибатда, 28-сонли автобуснинг ўрта эшик қисми ҳамда 44-сонли автобуснинг чап томон орқани кўриш ойнасининг корпус қисми билан бир-бирига тегиб қирилган. Содир этилган тўқнашувда тан жароҳати олганлар бўлмаган.
ЙТҲ 28-сонли автобус ҳайдовчисининг ёнлама оралиқ масофани сақламаганлиги натидасида содир бўлган.
Мазкур ЙТҲ Тошкент шаҳар ИИББ ЙҲХБ ходимлари томонидан ўрнатилган тартибда расмийлаштирилган.
