Аввалроқ, ижтимоий тармоқларда Тошкентда Malibu-2 ва KIA ўртасида ЙТҲ содир бўлгани ҳақида хабарлар тарқалди. Ҳолат юзасидан Тошкент шаҳар ИИББ ЙҲХБ маълумот берди.
Маълум бўлишича, жорий йилнинг 27 январь куни соат 21:00 ларда Шайхонтоҳур тумани Кўкча Дарвоза кўчаси Мумтоз туйхонаси қаршисида 1995 йилда туғилган Ф.Р. бошқарувида бўлган KIA ҳамда Malibu-2 (ҳайдовчиси шифохонага олиб кетилган шахсига аниқлик киритилмоқда) иштирокида йўл транспорт ҳодисаси содир бўлган.
ЙТҲ натижасида Malibu-2 русумли автомашинаси ҳайдовчиси тан жароҳат олиб, шифохонага ётқизилган. Ҳолат бўйича Тошкент шаҳар ИИББ ЙҲХБ масъул ходимлари томонидан суриштирув ишлари олиб борилмоқда.
