Ўзгидромет хабарига кўра, бугун Ўзбекистонга Туркманистон ҳудудидан илиқ ҳаво массалари кириб келиши бошланади, республика бўйича ёғингарчилик кутилмайди. Ҳаво ҳарорати кундузи +9...+12 даражагача илиқ бўлади.
23-24 январ кунлари илиқ ҳаво кириб келиши давом этади, республика ҳудудининг катта қисмида қуёшли ва очиқ ҳаво кузатилади. 24 январда республиканинг шимоли-ғарбий ҳудудларига Волга бўйи ҳудудларидан нам ва совуқ ҳаво массалари кириб келиши бошланади. Қорақалпоғистон Республикаси, Хоразм, Бухоро, Навоий вилоятларининг баъзи жойларида ёғингарчилик (ёмғир, қор) бўлади. Республика ҳудудининг катта қисмида 23-24 январ кунлари ҳарорат кечаси +2...+5 даража илиқ, кундуз +12...+15 даража илиқ бўлади. Шимолий ҳудудларда эса 24 январда кундузги ҳарорат -2...-7 даража совуқ бўлади.
25 январда нам ва совуқ ҳаво массалари Ўзбекистоннинг барча ҳудудларини қамраб олади, республика бўйича ёғингарчилик (ёмғир, қор) кузатилади. Ҳарорат кундузи +4...+9 даража илиқ, шимолий ҳудудларда кечаси -6...-11 даража совуқни ташкил этади, кундузи -2...-7 даража совуқдан ошмайди.
26 январда республика ҳудудининг катта қисмида ёғингарчилик бўлиш эҳтимоли сақланиб туради, шимоли-ғарбий ҳудудларда эса ёғингарчилик тўхтайди. Ҳарорат кечаси -2 даража совуқдан +3 даража илиқгача, кундузи +3...+8 даража илиқ, шимолда кечаси -6...-11 даража совуқ, кундузи 0...-5 даража совуқ атрофида бўлади.
Тошкентда бугун қуёшли ва очиқ ҳаво бўлиши кузатилади. Шарқий йўналишдаги шамол тезлиги соатига 3-8 м/с тезликда эсади. Ҳаво ҳарорати кундузи +10...+12 даража илиқни ташкил этади.
23-24 январ кунлари пойтахтда ёғингарчилик кузатилмайди. Эртага кечаси ва эрталаб туман тушиши мумкин. Шарқий йўналишдаги шамол тезлиги соатига 3-8 м/с тезликда эсади. Ҳаво ҳарорати 23 январда кечаси 0...+2 даража илиқ атрофида бўлади. 24 январда кечаси +3...+5 даража илиқ, кундузи 23-24 январда ҳарорат +12...+14 даража илиқ атрофида бўлади.
25 январда пойтахтда вақти-вақти билан ёмғир ёғади. Шарқий шамол йўналишини ўзгартириб, ғарбдан 5-10 м/с тезликда эсади. Ҳарорат кечаси +5...+7 даража илиқ, кундузи +7...+9 даража илиқ бўлади.