Нукус шаҳридаги тўй маросимида бир нечта автомашиналар ҳайдовчилари ўзбошимчалик билан давлат рақамини ечиб олиб, гуруҳ бўлиб, турли манёврлар қилиб, йўл талашиб ЙТҲ содир этгани акс этган видео ижтимоий тармоқларга сиздирилди. Ушбу ҳолат юзасидан Қорақалпоғистон Республикаси ИИВ ЙҲХБ изоҳ берди.
Жорий йилнинг 11 январь куни Нукус шаҳрида тўй маросимида гуруҳ бўлиб ҳаракатланган автомашиналар текширилганда 15 та автомашина ушбу қоидабузарликни содир этганлиги аниқланди. Қоидабузар ҳайдовчиларга нисбатан МЖтКнинг 129-моддаси тартибида баённома расмийлаштирилди ҳамда ушбу кодекснинг 291-моддаси билан автомашиналар вақтинчалик сақлаш учун жарима майдончасига жойлаштирилди.