Тошкент вилояти Янгийўл туманида жойлашган газ заправкада юк машинаси ёнаётгани акс этган видео ижтимоий тармоқларга сиздирилди. Ушбу ҳолат юзасидан ФВВ изоҳ берди.
Жорий йилнинг 12 январь куни соат 22:13 атрофида Тошкент вилояти Янгийўл тумани, “Қўшёғоч” МФЙда жойлашган “DELTA KOMPRESSOR” МЧЖ га қарашли АГТКШ бостирмасининг 10 кв.м. майдонда шифти ва тагида турган КАМАЗ-53212 юк автомобилида ёнғин юзага келган.
Воқеа жойига ёнғин қутқарув экипажлари соат 22:17да етиб бориб, 22:20да ўраб олиниб, 22:38да ёнғин ўчирилган.
Ёнғин натижасида тан жарохати олган ва ҳалок бўлган фуқаролар қайд этилмаган.
Ёнғиннинг келиб чиқиш сабаблари ва зарар миқдори аниқланмоқда.
