Аввалроқ, ижтимоий тармоқда бир нечта эркаклар ва бир аёл ўртасида жанжал акс этган видео тарқалди. Ҳолат юзасидан Фарғона вилояти ИИБ маълумот берди.
Маълум бўлишича, жорий йилнинг 9 январь куни "102" қисқа рақамига фуқаро З.С. (аёл) мурожаат қилган. Аёл мурожаатида Фарғона шаҳар марказида 3-нафар шахс уни ҳақорат қилиб, жанжаллашаётганлиги ҳақида хабар берган.
Мазкур мурожаат Фарғона шаҳар ИИО ФМБ томонидан тегишли тартибда рўйхатга олинган. Ҳозирда ҳолат юзасидан терговга қадар текширув ҳаракатлари олиб борилмоқда. Якунига кўра, қонуний қарор қабул қилиниши таъминланади.
