2021 йил 12 январь куни Сурхондарё вилояти ИИБ Терроризм ва эктремизмга қарши курашиш бошқармаси ва Жиноят қидирув бошқармаси ходимлари томонидан ўтказилган тезкор тадбир давомида Шўрчи туманида яшовчи 1996 йилда туғилган аёл икки ойлик ўғил фарзандини сотаётганида ушланди.
У Денов шаҳридаги умумий овқатланиш шохобчаларидан бирида бошқа бир фуқарога 1.900 АҚШ доллари ва 1 млн сўм эвазига сотаётган вақтида қўлга тушди. Бу ҳақда Zamon дастурида маълум қилинди.
Ҳозирда мазкур ҳолат юзасидан Денов тумани ИИБ Тергов бўлими томонидан Жиноят кодексининг 135-моддаси 3-қисми “а” банди билан жиноят иши қўзғатилган ва тергов ҳаракатлари олиб борилмоқда.
