Тошкент шаҳридаги хонадонлардан бирида яшовчи 20 ёшли қиз куйиш жароҳати билан шифохонада вафот этди. Бу ҳақда "Миллар" информацион дастурида маълум қилинди.
Маълум бўлишича, қиз ҳаммомда бўлган вақтида қайноқ сув солинган бак ёрилиб кетган. Натижада, қиз қайноқ сув остида қолган.
Мазкур воқеа ҳақида дастлаб қизнинг опаси хабар топган ва дарҳол шифокорларларга мурожаат қилган. Бемор шифохонага оғир аҳволда куйиш аломатлари билан олиб борилган.
Қиз 80-90 фоиз куйиш аломатлари билан шифохонага келтирилган ва шифокорларнинг уринишига қарамасдан вафот этган.
