Фарғона вилояти ИИБнинг хабар беришича, ҳодиса бугун, 3 январь куни соат 19:40 ларда 4P-146 автомобил йўлининг Фарғона тумани "Янгиобод" МФЙ ҳудудидан ўтган қисмида содир бўлган.
Nexia-3 русумли автомашина иккинчи даражали йўлдан асосий йўлга шошилиб чиқиши оқибатида, асосий йўлда ҳаракатланиб келаётган Tracker'га урилиб, ЙТҲ содир қилган.
Натижада, Nexia-3 автомобилида бўлган 2 нафар йўловчи тан жароҳати олиб, воқеа жойида вафот этган. Яна 3 нафар йўловчилар шифохонага ётқизилган.
Мазкур ҳолат юзасидан ЖКнинг 266-моддаси 3-қисми "а" банди билан жиноят иши қўзғатилиб, тергов ҳаракатлари олиб борилмоқда.