Бош прокуратура департаменти Матбуот хизматининг хабарига кўра, Андижон вилоятида О.К. фуқаро О.га ўзини Испанияда фаолият юритувчи банкнинг Ўзбекистондаги вакили сифатида таништириб, унга тадбиркорлик фаолияти учун мазкур банкдан $200 минг имтиёзли кредит ажратиб бериши эвазига $6,3 минг талаб қилган.
О.К. сўралган пулни олган вақтида ашёвий далиллар билан ушланган, шунингдек терговга қадар текширувда, О.К. бундан олдин бошқа фуқаро Қ.нинг $21,5 мингини ҳам шу йўсинда олганлиги аниқланган.
Мазкур ҳолат юзасидан ЖКнинг 168-моддаси (фирибгарлик) билан жиноят иши қўзғатилиб, тергов ҳаракатлари ўтказилмоқда.
