“Ҳудудий электр тармоқлари” АЖ Тошкент шаҳар филиали Тошкентликларни байрам кунлари қарздорлик сабаб электр энергияси узилиб қолишидан огоҳлантирмоқда.
Қайд этилишича, байрам муносабати билан эълон қилинган қўшимча дам олиш кунлари (30 декабрдан 2 январгача) қарздорлик туфайли хонадонда электр энергияси таъминотида узилишлар бўлиши мумкин.
“Узилишларнинг олдини олиш мақсадида фойдаланилган электр энергияси учун мамлакатимизда мавжуд тўлов тизимлари ҳамда банкларнинг мобил иловалари орқали тўловларни амалга оширишлари мумкинлигини яна бир бор эслатиб ўтамиз”, — дейилади хабарда.
Электр энергиясини ҳисобга олиш ва назорат қилишнинг автоматлаштирилган тизими (АСКУЭ)нинг жорий этилиши муносабати билан қарздорлар автоматик тарзда тармоқдан узилади.
